وزیراعظم عمران خان نے کہا ہے کہ حکومت کی ترجیح اصلاحاتی ایجنڈا ہے کیونکہ ہمارا مقصد اداروں کو موثر اور بہترین سروس دینے والا بنانا ہے۔

تفصیلات کے مطابق وزیراعظم عمران خان سے سی ای او پی آئی اے ارشد ملک کی ملاقات ہوئی ہے جس میں ارشد ملک کی جانب سے یورپی یونین سے جاری مذاکرات پر بریفنگ دی گئی۔

ملاقات میں وزیراعظم نے ہدایات جاری کی ہیں کہ ڈاکٹر عشرت حسین سے مل کر اصلاحاتی عمل کو تیز کیا جائے اور آئندہ ہفتے فریم ورک بھی پیش کیا جائے۔

بریفنگ کے دورران وزیراعظم کو پی اے آئی کی ری اسٹرکچرنگ سے متعلق بھی آگاہ کیا گیا اور بتایا گیا کہ پی آئی اے کو منافع بخش اور بہترین ایئرلائن بنانے کے لیے ری اسٹرکچرنگ کرررہے ہیں۔

Advertisement

مشیراصلاحات سے مشاورت کےبعد ادارے میں تنظیم نو کیلئے ایک ہفتے میں رپورٹ پیش کیجائے:وزیراعظم
حکومت اداروں میں بلاتفریق اصلاحات کے ایجنڈے پر عمل پیرا ہے:وزیراعظم pic.twitter.com/ljFEJA6LNI

— PTV News (@PTVNewsOfficial) July 10, 2020