پاکستان کی قومی ایئرلائن پی آئی اے کو امریکہ کی جانب سے بڑا دھچکا لگا ہے۔

تفصیلات کے مطابق پائلٹوں کے مشتبہ لائسنس کے باعث یورپ اور برطانیہ کے بعد امریکہ نے بھی پی آئی اے کے لئے فضائی آپریشن پر پابندی عائد کردی ہے۔

ذرائع کا کہنا ہے کہ امریکی ٹرانسپورٹ اتھارٹی نے پی آئی اے کو بذریعہ ای میل پابندی سے آگاہ کیا ہے اور اس کے ساتھ ہی ساتھ پی آئی اے کو حاصل خصوصی پروازوں کا اجازت نامہ بھی منسوخ کردیا گیا ہے۔

یاد رہے کہ پی آئی اے کو امریکہ کی جانب سے 12 براہ راست خصوصی پروازوں کی اجازت دی گئی تھی جس میں سے قومی ایئرلائین امریکہ کے لیے 6 براہ راست خصوصی پروازیں آپریٹ کرچکی تھی اور 6 خصوصی پروازیں باقی تھیں جن کا اجازت نامہ منسوخ کردیا گیا ہے۔

امریکی ٹرانسپورٹ اتھارٹی نے پابندی کپتانوں کے مشتبہ لائسنس کے معاملے کی وجہ سے لگائی گئی ہے۔