وزیر اعظم کے معاون خصوصی برائے سیاسی روابط شہباز گل کا کہنا ہے کہ ن لیگ کا سچ عوام کے سامنے آ چکا ہے۔

تفصیلات کے مطابق معاون خصوصی برائے سیاسی روابط ڈاکٹر شہباز گل  نے سابق وزیر اعظم شاہد خاقان عباسی کے بیان پر ردعمل دیتے ہوئے کہا کہ کرپشن کا المیہ یہی ہے کہ ہر ایک سے معافی مانگنی پڑتی ہے۔

معاون خصوصی نے  کہا کہ آپ نے  ’کھاتا ہے تو لگاتا بھی ہے‘کا نعرہ عام کیا۔

شہباز گل کا کہنا تھا کہ اے پی سی تمام کرپشن زدہ لیڈروں کے دل کی آواز ہے۔ ایک بار پھر چارٹرڈ آف کرپشن متحدہ اپوزیشن کی خواہش ہے۔کرپشن بچانے کے لیے یہ ایک دوسرے کے پاؤں بھی پڑیں گے۔

انہوں نے کہا کہ ن لیگ رسیدوں کے ساتھ ساتھ خود بھی غائب ہے۔