چیئرمین کشمیر کمیٹی شہریار آفریدی نے کہا ہے کہ پاکستان ہمیشہ اپنے کشمیری بہنوں اور بھائیوں کے ساتھ کھڑا ہے۔

تفصیلات کے مطابق معاون خصوصی برائے قومی سلامتی ڈاکٹر معید یوسف اور چیئرمین کشمیر کمیٹی شہریار آفریدی کی ملاقات ہوئی ۔

ملاقات میں مقبوضہ کشمیر کی صورتحال پر تبادلہ خیال کیا گیا جبکہ اقوام متحدہ اور بین الاقوامی اداروں میں مسئلہ کشمیر کو اٹھانے کا فیصلہ کیا گیا۔

معاون خصوصی برائے قومی سلامتی نے کہا کہ بھارت کے مظالم کشمیریوں کی جدوجہد کو نہیں روک سکتے، 5 اگست کو کشمیریوں کا بھارتی محاصرے کو ایک سال مکمل ہوگا۔

معید یوسف نے یہ بھی کہا کہ مودی سرکار کا کشمیری شناخت مٹانے کا ایجنڈا کامیاب نہیں ہوگا، بھارت کے جارحانہ اقدامات کامیاب نہیں ہوسکتے

پی ٹی آئی ارکان آپس میں خاندان کی طرح ہیں،شہریار آفریدی

معاون خصوصی برائے قومی سلامتی ڈاکٹر معید یوسف نے مزید کہا کہ بھارتی فوج کے مظالم کے باوجود کشمیریوں کی جدوجہد ضرور رنگ لائے گی۔

ملاقات کے دوران چیئرمین کشمیر کمیٹی شہریار آفریدی نے کہا کہ پاکستان اپنے کشمیری بہنوں اور بھائیوں کے ساتھ کھڑا ہے۔