ڈاکٹر یاسمین راشد کا کہنا ہے کہ عا لمی وبا کورونا وائرس کی صورتحال بہتر رہی تو یہ آخری لاک ڈاؤن ہوگا۔

تفصیلات کے مطابق ایک نجی ٹی وی کے پروگرام میں گفتگو کرتے ہوئے صوبائی وزیر صحت ڈاکٹر یاسمین راشد نے امید کا اظہار کرتے ہوئے کہا ہے کہ اللہ کی پاکستان پر خاص عنایت ہے، انشاء اللہ بہت امید ہے کہ آئندہ 8 دنوں بعد اچھی خبر سامنے آئے گی۔

انھوں نے کہا کہ بہتر پوزیشن میں ہونگے تو سب کچھ کھول دیں گے، آئندہ دنوں کے اندر ہمیں صیح پوزیشن کا اندازہ ہو جائے گا۔

ڈاکٹر یاسمین راشد  نے واضح کیا کہ پاکستان میں وبا ختم نہیں ہوئی، آج 172 کیسز سامنے آئے ہیں، شہریوں نے حفاظتی تدابیر پر بالکل عمل نہیں کیا، ہمیں آئندہ احتیاط کرنا ہوگی۔

صوبائی وزیر صحت کا کہناہے کہ مارکیٹیوں میں رش دیکھنے کے بعد خدشہ تھا کہ کیسز بڑھیں گے۔

آج لاک ڈاؤن کرکے سختی کرنا پڑی، تاہم کھانے پینے کی اشیا اور مویشی منڈیوں کو بھی بند نہیں کیا جا رہا۔

انھوں نے مزید کہا کہ اللہ کا شکر ہے حالات بہت بہتر ہیں،خوش آئند بات ہے آج کے دن پنجاب میں کوئی اموات نہیں ہوئی۔