بلاول بھٹو نے کورونا کے دوران ہی حکومت کے خلاف تحریک چلانے کا اعلان کر دیا۔

تفصیلات ک مطابق چیئرمن یپلزپارٹی بلاول بھٹو زرداری نے مختلف شہروں کے پارٹی قائدین سے وڈیو لنک پر خطاب کیا ، جس میں بلاول بھٹو زرداری نے کارکنوں کو حکومت کے خلاف تحریک کی ریہرسل کرنے کی ہدایت کر دی۔

چیئرمن یپلزپارٹی نے کہا کہ عمران خان اور ملک ایک ساتھ نہیں چل سکتے ، سلیکٹڈ وزیراعظم کو نوشتہ دیوار پڑھ لینا چاہیے اور خود حکومت چھوڑ دینی چاہیے۔

بلاول بھٹو زرداری نے یہ بھی کہا کہ کارکن حکومت مخالف تحریک کے دوران کورونا سے بچنے کیلئے ابھی سے سماجی فاصلے کی ریہرسل شروع کر دیں ، اس بات میں کوئی شک نہیں ہونی چاہئے کہ کورونا کی وجہ سے سیاسی تحریک شروع نہیں ہوگی۔

چیئرمن یپلزپارٹی کا کہنا تھا کہ ملک اور بیرون ملک میں اس حکومت کی ساکھ بحران کا شکار ہے، اس حکومت کی وجہ سے پاکستان کے استحکام کو خطرات درپیش ہیں۔

پی ٹی آئی نے میرے سوالوں کا جواب نہیں دیا، بلاول بھٹو

بلاول بھٹو زرداری  کا یہ بھی کہنا تھا کہ پی آئی اے کو تباہ کر دیا گیا ہے، بی آرٹی پروجیکٹ کرپشن کی مثال بن چکا ہے اور اس کے ٹھیکداروں کو مزید ٹھیکے دئیے جا رہے ہیں۔

بلاول بھٹو زرداری نے کہا کہ تاریخ دان یہ لکھے گا کہ ملک پر ایک ایسے سلیکٹڈ وزیراعظم نے حکمرانی کی تھی جو جادو اور کرپشن سے حکومت چلا رہا تھا ، اس سلیکٹڈ حکومت کی کرپشن نے ساری حدیں پار کر دی ہیں۔

چیئرمن یپلزپارٹی بلاول بھٹو زرداری نے مزید کہنا تھا کہ سلیکٹڈ وزیراعظم کا اے ٹی ایم ابراج گروپ اور کے الیکٹرک مل کر کراچی کے عوام کا خون چوس رہے ہیں لیکن نیب اس کرپشن کی طرف دیکھ ہی نہیں رہا۔