تفصیلات کے مطابق امکان ظاہر کیا جارہا ہے کہ وزیراعظم اپنے خصوصی پیغا م میں نوجوانوں سے قومی شجرکاری مہم میں شامل ہونے کی اپیل کریں گے۔

وزیر اعظم  کا خصوصی پیغام پاکستان ٹیلی ویژن پر 12:10 منٹ پر نشر کیا جائے گا۔

ذرائع کے مطابق وزیراعظم  سے معاون خصوصی عثمان ڈار نے ملاقات کی ، جس میں ملک بھر میں ٹائیگر فورس ڈے منانے کی تیاریوں پر مشاورت کی گئی۔

ٹائیگر فورس سے متعلق چین کی جانب سے لکھا گیا خط بھی وزیراعظم کو پیش کیا گیا، عمران خان نے عالمی سطح پر ٹائیگر فورس کی پذیرائی پر مسرت کا اظہار کیا۔

عمران خان نے ٹائیگر فورس کو متحرک رکھنے پر عثمان ڈار کو شاباش دی اور ٹائیگر فورس کی رجسٹریشن ایک بار پھر کھولنے کا عندیہ دیا۔

ذرائع کے مطابق وزیراعظم اپنے پیغام میں رجسٹریشن اور ٹائیگر فورس ڈے کی تاریخ کا اعلان کریں گے، نوجوانواں کو قومی شجر کاری مہم میں شامل ہونے کی اپیل بھی کریں گے۔