نوابشاہ میں بروقت ایمبولینس نہ ملنے کی وجہ سے غریب خاتون زندگی اور موت کی جنگ ہار گئی۔

تفصیلات کے مطابق نوابشاہ میں باندھی کے قریب گاؤں غلام محمد جمالی میں 30 سالہ خاتون  نے گھریلو پریشانی سے تنگ آکر خودکشی کرنے کی کوشش کی۔

خاتون کو تشویشناک حالت میں مقامی اسپتال پہنچایا گیا لیکن ڈاکٹروں نے پیپلز میڈیکل اسپتال نوابشاہ ریفر کردیا تھا۔

خاتون کے غریب شوہر کو باندھی اسپتال انتظامیہ نے ایمبولینس نہیں دی جس کے باعث غریب شوہر سامان اٹھانے والے چنگچی رکشہ پر اپنی بیوی کو اسپتال لے گیا اور خاتون نے دیر ہوجانے کے سبب راستے میں دم توڑ دیا۔