افغان صدر اشرف غنی کا وزیراعظم عمران خان سے ٹیلی فونک رابطہ ہوا جس میں دونوں رہنماؤں نے ایک دوسرے کو عیدالاضحیٰ کی مبارکباد دی۔

ٹیلی فونک رابطے میں وزیراعظم عمران خان نے افغان صدر کو کوویڈ 19 سے متعلق پاکستانی حکمت عملی سے آگاہ کیا۔

وزیراعظم نے افغان صدر اشرف غنی سے رابطے میں کہا کہ اس عید الاضحیٰ پر عالمی برادری کو کوویڈ 19 سمیت مختلف چیلنجز کا سامنا ہے۔

عمران خان نے کوویڈ 19 کے باعث افغانستان میں اموات پر اظہار افسوس کرتے ہوئے کہا کہ امید ہے کوویڈ 19 پر جلد قابو پا لیا جائے گا۔

وزیراعظم عمران خان نے مزید کہا کہ پاکستان کا فوکس لوگوں کی زندگیاں بچانے اور معیشیت کی بحالی ہے۔