وزیر اعلیٰ پنجاب کا کہنا ہے کہ ملک دشمن عناصر کے ناپاک عزائم کو ناکام بنانے کے لیے پوری فورس چوکس ہے۔

تفصیلات کے مطابق وزیر اعلیٰ پنجاب عثمان بزدارنے  قربان لائنز میں پنجاب سیف سٹیز اتھارٹی کے ہیڈ آفس کا دورہ کیا اور ڈیجیٹل کیمروں کے ذریعے یوم عاشور پر سیکیورٹی انتظامات کا جائزہ لیا۔

وزیر اعلیٰ پنجاب نے سی سی ٹی وی کیمروں سے جلوسوں کی مانیٹرنگ کے نظام کا بھی معائنہ کیا۔

عثمان بزدار نے جدید کیمروں سے مرکزی جلوس کے روٹ کا بھی جائزہ لیا جبکہ ڈیجیٹل وال پر کیمروں کے ذریعے دیگر علاقوں کے جلوسوں کا مشاہدہ کیا۔

اس موقع پر وزیر اعلیٰ پنجاب کو جلوسوں اور مجالس کی مانیٹرنگ کے نظام کے بارے میں بریفنگ دی گئی اورلاہور سمیت پنجاب بھر میں سیکیورٹی انتظامات پر اطمینان کا اظہار کیا۔