امیر جماعت اسلامی سینیٹرسراج الحق نے کہا ہے کہ پاکستان میں اصل اپوزیشن جماعت اسلامی ہے اور تحریک بھی جماعت اسلامی ہی چلائے گی۔

انہوں نے اپنے بیان میں کہا ہے کہ اب پاکستان پیپلز پارٹی اور مسلم ن لیگ نہ ہی حقیقی اپوزیشن ہیں اور نہ ہی وہ تحریک چلانے کی پوزیشن میں ہیں۔

سراج الحق نے کہا ہے کہ سابقہ اور موجودہ حکمران پارٹیاں آئی ایم ایف اور ورلڈ بینک کی غلامی میں راضی ہیں کیونکہ یہ لڑے بغیر شکست قبول کرتی اورغلامی کی زنجیروں کو اپنا زیور سمجھتی ہیں۔

  ان کا کہنا تھا کہ موجودہ اپوزیشن پارٹیوں کو غلامی کے اس کوڑے سے بھی محبت ہوگئی ہے جو سالوں سے ان پر برس رہا ہے۔

ان کا مزید کہنا تھا کہ پی ٹی آئی کے پیش کردہ بل پیپلز پارٹی اور ن لیگ پاس کرواتی ہے لیکن اب سے جماعت اسلامی اب غریبوں کا انقلاب لائے گی۔

ان کا کہنا تھا کہ عوام اب تبدیلی کے وعدے کرنے والوں کو عوام اچھی طرح پہچان چکے ہیں اور ان موجودہ حکمرانوں کی موجودگی میں عوام کی قسمت تبدیل نہیں ہوسکتی ہے۔