وزیراعظم عمران خان نے کہا ہے کہ وفاق کی مدد سے سیاحتی پوٹینشل کو سامنے لایا جائے گا۔
تفصیلات کے مطابق وزیراعظم عمران خان کی زیر صدارت سیاحت سے متعلق اجلاس منعقد ہوا ہے، اجلاس میں سیاحت سے متعلق امور پر غور کیا گیا ہے۔
اجلاس میں وزیراعظم کا کہنا تھا کہ پاکستان میں سیاحت کے فروغ کے بہت مواقع موجود ہیں، ہمیں ان مواقع سے فائدہ اٹھایاجانا چاہیئے۔
اجلاس میں وزیرِاعظم کی جانب سے سرکاری ملکیتی عمارات، تاریخی عمارات، گورنر ہاوسز، گیسٹ ہاؤسز وغیرہ شامل ہیں کو مثبت انداز میں برؤے کار لانے کے لئے بھی اٹھائے جانے والے اقدامات کو مزید موثر بنانے کی ضرورت پر زور دیا گیا ہے اور کہا ہے کہ ان عمارات کی عوام کے لئے دستیابی کو یقینی بنایا جائے۔
سیاحتی مقامات پر سیاحوں کی رائے کے بعد حکومت نے تین فیصلے کئے گئے ہیں۔

وزیراعظم کی جانب سے سیاحت سے متعلق قومی رابطہ کمیٹی بنانے کا فیصلہ کیا گیا ہے جس کے لئے معاون خصوصی سید ذوالفقار عباس بخاری کمیٹی کے کنوینئر مقرر کئے گئے ہیں۔
مقرر کردہ کمیٹی کمیٹی ہر ہفتہ اجلاس کرے گی اور اب سے ہر دو ہفتہ بعد وزیراعظم کو پیش رفت رپورٹ پیش کریگی۔
اجلاس میں قومی سیاحتی پالیسی کے حوالے سے بریفنگ بھی دی گئی ہے اور ساتھ ہی فیصلہ کیا گیا ہے کہ سیاحتی مقامات پر تجاوزات کے خلاف مہم فوری چلائی جائے۔
اجلاس کے فیصلوں کے مطابق صوبائی حکومتیں سیاحتی مقامات پر صاف ستھرے باتھ رومز بنوائیں گی کیونکہ سیاحوں کو سیاحتی مقامات پر باتھ رومز نہ ملنے سے شدید دشواری ہوتی ہے۔
یاد رہے کہ اجلاس میں وزرائے اعلیٰ پنجاب و خیبرپختونخوا، چاروں صوبوں کے نمائندگان بھی اجلاس میں موجود رہے۔