صدر مملکت ڈاکٹر عارف علوی کی جانب سے صدارتی خطاب کے لئے پارلیمنٹ کا مشترکہ اجلاس کل طلب کر لیا گیا ہے۔

تفصیلات کے مطابق صدر مملکت اسلامی جمہوریہ پاکستان نے مجلس شوریٰ پارلیمنٹ کا مشترکہ اجلاس مورخہ 20 اگست 2020 بروز جمعرات شام 5 بجے پارلیمنٹ ہاؤس میں طلب کر لیا ہے۔

مشترکہ اجلاس سے صدرمملکت خطاب کریں گے اور حکومت کی دو سالہ کارکردگی پر اظہار خیال کریں گے۔

صدر نے مشترکہ اجلاس آئین کے آرٹیکل 54 کی شق 1  اور آرٹیکل 56 کی شق 3 کے تحت تفویض اختیارات کے تحت طلب کیا ہے۔

صدارتی خطاب کے بعد قومی اسمبلی کا تیسرا پارلیمانی سال شروع ہو گا۔

نئے پارلیمانی سال کے لئے اسمبلی سیکرٹریٹ نے قومی اسمبلی کے اجلاسوں کے لئے پارلیمانی کلنڈر بھی تیار کر لیا ہے۔