شاہ محمود قریشی کا کہنا ہے کہ یہ عید ماضی کی عیدوں سے مختلف اور بڑی آزمائش والی عید ہے، قوم کو چاہیے کورونا ایس او پیز پرعمل کریں۔

تفصیلات کے مطابق وزیرخارجہ شاہ محمود قریشی نے عیدالضحٰی کے موقع پر اپنے پیغام میں عید اور حج سے متعلق بات کرتے ہوئے کہا ہے کہ کورونا وبا کے باعث یہ عید بڑی آزمائش والی عید ہے، اس سال حج بھی ماضی کے حج سے بھی مختلف دیا، حاجیوں کی محدود کر دیا گیا تھا، قوم سے گزارش ہے فرائض نبھائیں لیکن احتیاط کریں۔

انھوں نے کہا کہ پاکستان میں اسمارٹ لاک ڈاؤن کی وجہ سے کورونا کیسز میں کمی آئی، کورونا مریضوں کی تعداد کم ہوگئی ہے، غفلت ہوئی تو محنت رائیگاں جاسکتی ہے، ہم سب نے مل کر بحیثیت قوم اس کورونا کے عفریت کوشکست دینی ہے۔

شاہ محمود قریشی نے مزید کہا ہے کہ محرم الحرام کا مہینہ آرہا ہے،عزاداری کا سب احترام کرتےہیں، محرم الحرام میں ہمیں احتیاطی تقاضوں کوبھی پورا کرنا ہے۔