مسلم لیگ (ن) کے سینئر رہنما عطااللہ تارڑ نے کہا ہے کہ شریف گروپ کے سی ایف او محمد عثمان کو اٹھالیا گیا ہے ۔

تفصیلات کے مطابق مسلم لیگ (ن) کے سینئر رہنما عطااللہ تارڑ نے سماجی رابطے کی ویب سائٹ ٹویٹر پر اپنے ایک پیغام میں کہا کہ محمد عثمان فیملی کے ہمراہ اپنے والدین سے عید مل کر آرہے تھے کہ منی لانڈرنگ کے الزام میں نیب نے انہیں گرفتار کرلیا ہے ۔

شریف گروپ کے سی ا یف او عثمان کو, جواپنے والدین سے عید مل کر آ رہے تھے اٹھا لیا گیا ہے. ابھی تک نیب یا ایف آئی ا ے کیطرف سے گرفتاری کے حوالے سے کوئی تصدیق نہیں. نیازی حکومت نے خفیہ مقام پر حبس بے جا میں رکھا ہے .فوری رہا نہ کیا گیا تو ایف آئی ا ے کے دفتر کا گھیراؤ کریں گے pic.twitter.com/suFlX7TkKD

— Attaullah Tarar (@TararAttaullah) August 2, 2020

ایک پیغام مسلم لیگ (ن) کے سینئر رہنما نے کہا کہ قومی احتساب بیورو (نیب) یا فیڈرل انویسٹی گیشن ایجنسی (ایف آئی اے) نے محمد عثمان کو اٹھانے کی کوئی تصدیق نہیں کی ہے۔

ن لیگی رہنما عطااللہ تارڑ نےالزام لگایا کہ وزیراعظم عمران خان نیازی حکومت نے شریف گروپ کے سی ایف او کو خفیہ مقام پر حبس بے جا میں رکھا ہے۔

مسلم لیگ (ن) کے سینئر رہنما عطا تارڑ نے مزید کہا کہ محمد عثمان کے بھائی نے پولیس کو درخواست دے دی ہے اور اگرعثمان کو فوری رہا نہ کیا گیا تو ایف آئی اے کے دفتر کا گھیراؤ کریں گے۔

نیب نے شریف گروپ کے سی ایف او عثمان کو گرفتار کر لیا

یاد رہے اس سے قبل نیب نے شریف گروپ کے سی ایف او عثمان کو گرفتار کر لیا تھا۔

نیب ذرائع کا کہنا ہے کہ محمد عثمان شریف خاندان کی مبینہ منی لانڈرنگ کیس کا اہم ملزم ہے اورمحمد عثمان کے خلاف نیب کے پاس اہم ثبوت ہیں۔

واضح رہے کہ محمد عثمان شریف خاندان کے اکاؤنٹس مینج کرتا تھا اور اس پر منی لانڈرنگ میں ملوث ہونے کا الزام ہے۔