وزیراعلیٰ پنجاب کا کہنا ہے کہ منظم پراپیگنڈے کا جواب کارکردگی سے دیں گے۔

تفصیلات کے مطابق وزیراعلیٰ پنجاب عثمان بزدار نے کہا ہے مخالفین کی کوئی سازشی تھیوری کامیاب نہیں ہوگی، واویلا مچانے والوں کا کوئی مستقبل نہیں، منظم پراپیگنڈے کا جواب کارکردگی سے دیں گے۔

 عثمان بزدار نے اپنے ایک بیان میں کہا ہے کہ تنقید کی پرواہ کئے بغیر عوامی خدمت کا سفر جاری رکھیں گے، دو برس میں کوئی کرپشن اسکینڈل سامنے نہ آنا اس حکومت کا کریڈٹ ہے، غلط کام نہ کیا ہے اور نہ کسی کوکرنے دیں گے، مخالفین منفی سیاست سے ملکی ترقی کے سفر کو روکنا چاہتے ہیں۔

عثمان بزدار کا مزید کہنا ہےکہ  سابق حکومتوں کی خرابیوں کو درست کررہے ہیں، الزامات کی منفی سیاست کرنے والوں کو ناکامی کا سامنا کرنا پڑے گا۔