پیپلز پارٹی نے کراچی کو وفاق کے حوالے کرنے کی تجویز کے خلاف سندھ کے مختلف شہروں میں احتجاج کیا اور ریلیاں نکالیں۔

تفصیلات کے مطابق پاکستان پیپلز پارٹی کے کارکنوں نے خیر پور، دادو، جیکب آباد، میر پور خاص،اوباڑو، ٹنڈو محمد خان اور سجاول سمیت  سندھ کے چھوٹے بڑے شہروں میں احتجاج کیا۔

کراچی پریس کلب کے باہر پاکستان پیپلز پارٹی نے وفاقی حکومت کی زیادتیوں کے خلاف مظاہرے میں جیالوں نے اپنی قیادت کے احکامات کو ہوا میں اڑایا جبکہ کشمور ہائی وے پر بھی دھرنا دیا ورٹریفک کو بلاک کردیا۔

احتجاج میں جیالے وزیراعلی سندھ مراد علی شاہ کی تصویر پر پائے رکھ کر بیٹھے رہے جبکہ محترمہ بینظیر، بلاول اور آصف زرداری کی تصاویر والے بینر جیالے زمین پر رکھ کر چھوڑ گئے

مظاہرین نے احتجاج میں کہا کہ کراچی کو وفاق کے حوالے کرنے کی سازش کامیاب نہیں ہونےدیں گے اور اٹھارویں ترمیم پر کوئی سمجھوتہ نہیں ہوگا۔

مظاہرے کے بعد پیپلزپارٹی قیادت اور عہدیدران والے بینرز پریس کلب کے اطراف چھوڑ کر رفو چکرہوگئے۔

پیپلزپارٹی قیادت نے کورونا سے احتیاطی تدابیر اختیار کرتے ہوئے ماسک اور سماجی فاصلہ کے احکامات کو بھی جیالوں نے ہوا میں اڑایا۔