وزیر اعظم عمران خان نے کہا ہے کہ عیدالاضحیٰ پر تمام احتیاطی تدابیر اختیار کی جائیں۔

تفصیلات کے مطابق وزیر اعظم نے قوم کو عید الاضحیٰ کی مبارکباد پیش کرتے ہوئے کہا ہے کہ عید پر پوری قوم اور ملت اسلامیہ کو مبارک باد پیش کرتا ہوں، ساری دنیا اس وقت انتہائی نازک صورتحال سے گزر رہی ہے۔

انہوں نے کہا کہ عالمی وبا کورونا وائرس  ساری انسانیت کے لیے ایک چیلنج بن کر آئی ہے اس لیے عید قرباں پر تمام احتیاطی تدابیر اختیار کی جائیں۔

وزیر اعظم نے مزید کہا کہ غریب اور ضرورت مند طبقے کو بھی اپنے ساتھ شامل رکھیں جبکہ دعا ہے کہ اللہ کورونا سے نبرد آزما تمام لوگوں کی حفاظت فرمائے۔