وزیر اعظم عمران خان کی زیر صدارت پاور سیکٹر میں اصلاحات سے متعلق اجلاس ہوا جس میں وزیر اعظم نے آئی پی پیز معاہدوں کے بعد عمر ایوب کو اہم ہدایت کی۔

اجلاس میں بجلی کے شعبے سے متعلق امور ، اصلاح اور تنظیم نو کے مجوزہ روڈ میپ پر تبادلہ خیال کیا گیا جبکہ سرکلر ڈیٹ کے معاملے اور آئی پی پیز کے ساتھ بات چیت سمیت دیگر متعلقہ امور زیربحث آئے۔

اس موقع پر وزیر اعظم عمران خان نے آئی پی پیز معاہدوں میں باہمی اتفاق رائے سے ہونے والی تبدیلیوں میں پیشرفت کو سراہا اور پہلے سے منظور شدہ تنظیم نو روڈ میپ پر جلد عمل درآمد کی ہدایت کی۔

وزیراعظم نے اجلاس کی صدارت کرتے ہوئے کہا کہ  صارفین پر موجودہ بوجھ کو کم کرنے کے لئے فوری طور پر بحالی اور اصلاحی عمل ضروری ہے۔

بیرون ملک مقیم پاکستانی ملک و قوم کا سب سے قیمتی اثاثہ ہیں، وزیر اعظم

عمران خان نے یہ بھی کہا کہ بجلی کا شعبہ ملک کی معاشی نمو کو متاثر کررہا تھا، معاہدوں میں نظرثانی سے سرکلر ڈیبٹ کو کم کرنے میں مدد ملے گی۔

وزیراعظم عمران خان نے وفاقی وزیر برائے توانائی عمر ایوب کو خصوصی ہدایت کہ عوام کو آئی پی پیز کے ساتھ معاہدوں کے بعد صارفین کو ممکنہ فوائد کے بارے میں آگاہ کریں۔

اجلاس میں وزیر منصوبہ بندی  اسد عمر ، وزیر بجلی عمر ایوب ، ایس اے پی ایم  شہزاد قاسم ، ایس اے پی ایم ندیم بابر اور سینئر عہدیدار شریک ہوئے۔