وزیراعظم عمران خان سے تحریک انصاف کے سینیئر پارٹی رہنماؤں کی ملاقات ہوئی ہے۔

ملاقات میں ایف اے ٹی ایف قانون سازی سے متعلق مشاورت کی گئی جبکہ اسد قیصر اور بابر اعوان کی پارلیمانی اور قانون سازی سے متعلقہ امور پر بریفنگ دی گئی۔

تحریک انصاف کے سینیئر پارٹی رہنماؤں سے ملاقات میں وزیراعظم عمران خان نے کہا کہ ایف اے ٹی ایف سے متعلق قانون سازی ہر صورت کروائیں گے۔

اس موقع پر اسپیکر قومی اسمبلی اسد قیصر اور مشیر برائے پارلیمانی امور ڈاکٹر بابر اعوان ، شاہ محمود قریشی، پرویز خٹک، شفقت محمود،  اسد عمر، وزیر قانون بیرسٹر فروغ نسیم اور مشیر برائے احتساب بیرسٹر شہزاد اکبر نے بھی شرکت کی۔

مزید پڑھیں

برآمدات میں اضافے کیلئے مزید اقدامات کیے جائے، وزیراعظم

وزیراعظم عمران خان نے کہا ہے کہ برآمدات میں اضافے کیلئے مزید...

دوسری جانب وزیراعظم عمران خان کی زیر صدارت خواتین قیدیوں کی صورت حال پراعلیٰ سطحی اجلاس ہوا۔

وزیراعظم عمران خان نے انڈر ٹرائل خواتین قیدیوں کو فوری طور پر رہا کرنے کی ہدایت کردی۔

اجلاس میں وزارت انسانی حقوق، اٹارنی جنرل پاکستان اور اوربیرسٹرعلی ظفرسمیت دیگر ماہرین قانون شریک ہوئے۔