سعید غنی کا کہنا ہے کہ وزیراعظم عمران خان کو کراچی بار بار آنا چاہیے، وفاقی حکومت کراچی کے لئے کچھ کرتی ہے تو یہ ان کا احسان نہیں بلکہ فرض ہے۔

تفصیلات کے مطابق ایک نجی ٹی وی کے پروگرام میں بات کرتے ہوئے وزیر تعلیم سندھ سعید غنی نے کہا کہ وزیراعظم کو ملک کے دوسرے شہروں کا بھی دورہ کرنا چاہیے، وزیراعظم کا کراچی آنا کوئی انوکھی بات نہیں ہونی چاہیے، ایسا نہیں ہونا چاہیے کہ وزیراعظم کراچی آئیں اور صرف اعلانات کر کے جائیں۔

سعید غنی کا کہنا ہےکہ وزیراعظم کے دورے سے جو توقعات کی جارہی ہیں وہ پوری ہوں تو خوشی ہوگی، کراچی کے مسائل حل کرنے کے لئے وفاق بھی اپنا کردار ادا کرے۔

انھوں نے مزید کہا کہ پی ٹی آئی سندھ کے رہنماؤں کو سیاسی نظام کا کچھ نہیں پتہ ہے۔