ڈاکٹر ماہا شاہ کا اپنی ایک دوست کو بھیجا گیا وائس نوٹ گزشتہ روز سے سوشل میڈیا پر وائرل ہوگیا ہے ۔

تفصیلات کے مطابق سوشل میڈیا پر ڈاکٹر ماہا علی کی واٹس ایپ چیٹ اور وائس نوٹ تیزی سے وائرل ہو رہے ہیں ، جن میں وہ اپنے بوائے فرینڈ جنید کی جانب سے خود پر ہونے والے ظلم و جبر سے متعلق کھل کر بات کر رہی ہیں ۔

See more

وائس نوٹ میں نا آسانی ڈاکٹر ماہا کو کہتے سنا جا سکتا ہے کہ وہ شدید ذہنی پریشانیوں کا شکار ہیں، جنید نے اُن کی زندگی عذاب کی ہوئی ہے ، اُنہیں آرام اور پر سکون نیند کے لیے نیند کی گولیوں کا استعمال کرنا پڑ رہا ہے ، وہ ذہنی دباؤ کے سبب مرگی کا بھی شکار ہو گئی ہیں۔

واضح رہے کہ کراچی کے علاقے ڈیفنس ہاؤسنگ اتھارٹی میں اپنے گھر میں گولی لگنے سے ہلاک ہونے والی ڈاکٹر ماہا شاہ سے متعلق پولیس کی جانب سے بیان سامنے آیا تھا کہ ماہا نے اپنے دوست جنید کے تشدد سے تنگ آ کر خود کو مارا تھا۔