چیئرمین پی پی پی بلاول بھٹو زرداری نے بابائے قوم قائداعظم محمد علی جناح کی برسی پرقوم کے نام ایک پیغام جا ری کیا  ہے۔

تفصیلات کے مطابق بلاول بھٹو زرداری نے اپنے پیغام میں کہا ہے کہ نظریہِ پاکستان ملک کی بنیاد ہے، جو ملک کو دو پاکستان کے نظریئے کی جانب دھکیل رہے ہیں، بہت بڑی ناانصافی کر رہے ہیں، قائداعظم کے وژن سے انحراف کرنے سے باز آجائیں۔

ان کا کہنا ہے کہ ایک ملک اور دو قانون والا رجحان انتہائی خطرناک ہے، پوری قوم کو یقینی بنانا ہوگا، کوئی نظریئے پاکستان سے پیچھے نہ ہٹے، قائداعظم نے سیاسی و جمہوری جدوجہد کے ذریعے مسلمانوں کے لیے ملک قائم کیا۔