قمرالزمان کائرہ نے کہا ہے کہ ناکام ہونے کی امید سے اے پی سی نہیں کررہے۔

تفصیلات کے مطابق پیپلزپارٹی کے رہنما قمرزمان کائرہ کا کہناہے ہم تو کہہ رہے ہیں یہ حکومت ناکام ہوچکی ، پہلی اے پی سی انتخابی دھاندلی پر تھی ، دوسری مقبوضہ کشمیر پر کی گئی ، تیسری و چوتھی ملکی معیشت کے حوالے سے تھی۔

انھوں نے مزید کہا کہ چاروں اے پی سی حکومت سے جان چھڑانے کیلئے نہیں تھیں۔

واضح رہے کہ حزب اختلاف کی جماعتوں کی آل پارٹیز کانفرنس (اے پی سی) آج اسلام آباد میں ہو رہی ہے۔

اے پی سی میں سابق وزیر اعظم نواز شریف اور سابق صدر آصف علی زرداری ویڈیو لنک کے ذریعے خطاب کریں گے جبکہ اے پی سی میں آئندہ کا لائحہ عمل بھی طے کیا جائے گا۔