وزیر اعظم عمران خان نے وزیراعلیٰ جام کمال کی قیادت میں بلوچستان حکومت کی کارکردگی کی تعریف کی ہے۔

تفصیلات کے مطابق  وزیراعظم عمران خان  نے کوئٹہ میں وزیراعلیٰ بلوچستان جام کمال خان  سے ملاقات کی۔

ملاقات میں  بلوچستان کی ترقی کے معاملات  میں وفاقی حکومت کے تعاون سمیت باہمی دلچسپی کے دیگر امور پر تبادلہ خیال کیا گیا۔

وزیراعظم کو وزیراعلیٰ کی جانب سے ترقیاتی اقدامات اور امن وامان کی صورتحال پربریفنگ بھی دی گئی۔

وزیراعظم نے صوبائی حکومت کے ترقیاتی پروگرام اور امن کے قیام کے لیے اقدامات پر اطمینان کا اظہار کرتے ہوئے   وزیراعلیٰ  کو وفاقی حکومت کی جانب سے بھرپور تعاون کی یقین دہانی کرائی۔