وزیراعلیٰ پنجاب نے خود گاڑی ڈرائیو کر کے لاہور شہر کے مختلف علاقوں کا اچانک دورہ کیا۔

تفصیلات کے مطابق وزیراعلیٰ پنجاب سردارعثمان بزدار نے گزشتہ رات بغیر پروٹوکول خود گاڑی ڈرائیو کرکے لاہور کے مختلف علاقوں کا اچانک دورہ کیا ، شہر میں صفائی اور اسٹریٹ لائٹس کی خراب صورتحال دیکھ کر شدید برہمی کا بھی اظہار کیا۔

انھوں نے کہا کہ سرکاری فرائض میں غفلت برتنے والے افسر یا ملازم عہدے پر نہیں رہیں گے، انھوں نے سرزنش کرتے ہوئے غفلت کے مرتکب عملے کے خلاف کارروائی کا حکم بھی دیدیا۔

وزیراعلی پنجاب کا مزید کہنا تھا کہ سرکاری فرائض میں کوتاہی کسی صورت برداشت نہیں ہے۔