صوبائی وزیرتعلیم نے صوبے بھر کے تعلیمی اداروں کو خبردار کیا ہے کہ ایس او پیز پر عمل درآمد یقینی نہیں بنائیں گے تو کارروائی کی جائے گی۔

 تفصیلات کے مطابق وزیرتعلیم سندھ سعید غنی نے تعلیمی اداروں کی انتظامیہ کو وارننگ دی ہے کہ وہ عالمی وبا کورونا وائرس کے پیش نظر 28 ستمبر سے پہلے اپنی مکمل تیاری کو یقینی بنائیں۔

سعید غنی نے ڈسٹرکٹ ایسٹ کے مختلف سرکاری، نجی اسکولز اور کالجز کا دورہ کیا۔

اس موقع پر انہوں نے سرکاری ونجی اسکولز کو صفائی ستھرائی اور سماجی فاصلے کے فقدان پر ہدایات کیں۔

انھوں نے خبردار کیا کہ غیر حاضر سرکاری اساتذہ کو شوکاز نوٹس دئیے جائیں، تعلیمی ادارے 28 ستمبر سے پہلے اپنی مکمل تیاری کو یقینی بنائیں، طلبہ و طالبات کی تعداد زیادہ ہے توشفٹ یا متبادل دنوں میں بلایا جائے۔