وزیراطلاعات پنجاب پنجاب فیاض الحسن چوہان کا کہنا ہے کہ کسی بھی بچی یا بچے کے ساتھ زیادتی قابلِ قبول نہیں ہے۔

تفصیلات کے مطابق   وزیراطلاعات پنجاب فیاض الحسن چوہان کا خیر پور ضلع بہاولپور میں زیادتی کے بعد بچی کی خودکشی کا معاملے پر کہنا ہے کہ  وزیراعلیٰ پنجاب سردار عثمان بزدار نے واقعے کا فوری نوٹس لے لیا۔

فیاض الحسن چوہان کا کہنا ہے کہ وزیراعلیٰ پنجاب کی ہدایت پر میں نے ڈی پی او بہاولپور سے تفصیلات معلوم کیں۔ڈی پی او بہاولپور نے فوری ایکشن لیتے ہوئے ملزم لقمان کو گرفتار کر لیا ہے۔

انہوں نے کہا مزید کہا کہ ملزم کے ساتھ متعلقہ تھانے کا ایس ایچ او اور چوکی انچارج بھی پابند سلاسل ہیں۔ متعلقہ ایس ایچ او اور چوکی انچارج کی جانب سے کارروائی میں تاخیر نے بچی کو خود کشی پر مجبور کیا۔

وزیر اطلاعت پنجاب نے کہا کہ تینوں گرفتار شدگان پر تعزیرات پاکستان کی دفعہ 322 کے تحت مقدمے کا اندراج کیا گیا ہے۔

فیاض الحسن چوہان نے کہا کہ کسی بھی بچی یا بچے کے ساتھ زیادتی قابلِ قبول نہیں ہے۔ بزدار حکومت زیادتی کیسز پر زیرو ٹالرینس پالیسی کے تحت کارروائی کر رہی ہے۔