جماعت اسلامی کی جانب سے اپوزیشن کی آل پارٹیز کانفرنس میں شرکت کرنے سے انکار کردیا گیا ہے۔

تفصیلات کے مطابق امیر جماعت اسلامی سینیٹر سراج الحق کی جانب سے  میڈیا سے گفتگو کرتے ہوئے ان کا کہنا تھا کہ کل ہونے والی اے پی سی میں شرکت کی ابھی دعوت ملی ہے نہ ایجنڈہ سامنے آیا ہے  اور جب تک اے پی سی کا کلئیر ایجنڈا نہیں ہو گااس وقت تک کسی اے پی سی میں شرکت نہیں کریں گے۔

سراج الحق نے کہا ہے کہ اے پی سی کرنا اپوزیشن کا حق ہے مگر اصل مسئلہ تو ملک کو اس دلدل سے نکالنا ہے   اور   72سال سے ملک لوٹنے اور مقروض  بنانے والی پارٹیوں کے ساتھ نہیں بیٹھیں گے۔

انہوں نےکہا ہے کہ تحریک انصاف حکومت بھی پیپلز پارٹی اور نون لیگ کی حکومتوں کا تسلسل ہے اور  عام پاکستان کے ساتھ کئے گئے وعدے پورے نہ کرنا حکومت کی ناکامی ہے  کیونکہ کوئی تبدیلی نہیں آئی کوئی وعدہ پورا نہیں کیا گیا ہے۔