پی ٹی آئی رہنماء خرم شير زمان نے کہا ہے کہ12 سال سے نکموں کا لشکر سندھ کی ایک یوسی بھی مثالی نہیں بناسکے ہیں۔

تفصیلات کے مطابق وزیراعلیٰ سندھ کے دورے پر پی ٹی آئی رہنماء خرم شير زمان نے رد عمل دیتے ہوئے کہا کہ وزیراعلیٰ سندھ سید مراد علی شاہ ایک بار پھر ہیلی کاپٹر پر سیر و تفریح کرنے نکلے۔.

پی ٹی آئی رہنماء نے کہا کہ وزیراعلیٰ سندھ سید مراد علی شاہ ٰ سیلاب متاثرین کی بجاء جیالوں کے بنگلوں پر حاضریاں لگاتے رہے جبکہ عوام کے پیسو‍ں کا ضیاع کرکے پارٹی رہنماؤں کو خوش کرتے رہے۔

خرم شير زمان نے یہ بھی کہا کہ لگتا ہے سید مراد علی شاہ نے عوام کی خدمت کی بجاء نااہلی کے عہدے کا حلف اٹھایا تھا جبکہ لاپتہ بلاول زرداری اگر وزیراعلیٰ یا کسی وزیر کو ملیں تو انہیں سندھ کا حال ضرور بتائیں۔

پی ٹی آئی رہنماء خرم شير زمان نے اپنے بیان میں مزید کہا کہ سندھ ڈوب گیا مگر بلاول زرداری اپنے ابو کی کرپشن کے سپہ سالار بنے ہوئے ہیں۔

واضح رہے اس سے قبل وزیراعلیٰ سندھ سید مراد علی شاہ نے شاہ ٹنڈو جان محمد ڈسٹرکٹ میرپورخاص سمیت اندرون  ِسندھ بارش سے متاثرہ علاقوں کا  فضائی جائزہ لیاگیا۔

مزید پڑھیں

وزیراعلیٰ سندھ کابارش سے متاثرہ علاقوں کا فضائی جائزہ

وزیراعلیٰ سندھ سید مراد علی شاہ نے شاہ ٹنڈو جان محمد ڈسٹرکٹ...

 اس دوران مراد علی شاہ نے اپنے موبائل سے میرپورخاص، سامارو، ٹنڈو جان محمد کی ہیلی کاپٹر سے بھی سیلابی صورتحال کی ویڈیو بھی بنائی تھی۔

میڈیا سے گفتگوکرتےہوئے مراد علی شاہ کا کہنا تھا کہ اس سال2011 سے بھی زیادہ بارشیں ہوئی ہیں، بارش کے دوران 3 افراد جاں بحق ہوئے، پوری کوشش ہوگی جُھڈو اورنوکوٹ شہروں کوبچایا جائے۔

وزیر اعلی سندھ نےمزید کہا تھا کہ متاثرین کے کیے خیموں کا بندوبست کر رہےہیں اور سامارو، ٹنڈو جان محمد، عمر کوٹ میں ریلیف کیمپ بنائے ہیں، کیمپس میں کھانا، ادویات، ویٹرنری اور دیگر سہولیات کا بندوبست کیا ہے لیکن لوگ گھر چھوڑنا نہیں چاہتے۔