وفاقی وزیر فیصل واڈا نے زیادتی کے مجرمان کی سزا سے متعلق بڑا فیصلہ کرلیا۔

تفصیلات کے مطابق کراچی میں زیادتی کے بعد قتل کی جانے والی بچی مروہ کےگھر آمد پر میڈیاسےگفتگو   کرتےہوئے  فیصل واڈا نے زیادتی کےملزمان کو نامردکرنےکابل اسمبلی میں لانےکااعلان کیا ۔

وفاقی وزیر نے کہا کہ  زیادتی کیس پرقانون لانےکےمعاملےپرکام شروع کردیا ہے۔ ایساقانون  بنائیں گے جس کا فیصلہ ایک ماہ کے اندر ہی ہو۔

انہوں نے کہا کہ زیادتی کرنےوالوں کونامرد کرانےکی سزا اسمبلی سےپاس کرواکردکھاؤں گا،کوشش  ہوگی کہ ’نامرد کرنے کےبعد سرعام پھانسی ‘کابل  پاس کرائیں تاکہ زیادتی کےملزمان کوعبرتناک سزادی جائے۔

فیصل واڈا نے کہا کہ بہت سےکیسزمیں ثبوت نہ ہونے پر ملزمان بری ہوجاتےہیں۔اپنےمعاشرےکوان درندوں سےپاک کرناہے۔مجرموں کوسخت سزادیں گےتوہی ڈرپیداہوگا۔