یوم دفاع کے موقع پرراولپنڈی میں فوجی ہیڈ کوارٹر جی ایچ کیو میں فوجی اعزازت دینے کی تقریب منعقد ہوئی ۔

تفصیلات کے مطابق آرمی چیف جنرل قمر جاوید باوجوہ نے پاک فوج کے غازیوں اور شہدا کے لواحقین کو اعزازات دئیے۔

آرمی چیف جنرل قمر جاوید باجوہ نے تقریب سے خطاب کرتے ہوئے کہا کہ پاکستانی قوم کے لیے 6 سمتبر صرف ایک دن نہیں بلکہ ہمارے حوصلوں کی پہچان بھی ہے اور یہ دن ہمیں یاد دلاتا ہے کہ ہم نے کل بھی اپنے سے طاقتور دشمن کو شکست دی تھی جس کے لیے ہم آج بھی تیار ہیں۔

لیفٹیننٹ کرنل حافظ عبدالمالک اور لیفٹیننٹ کرنل عدنان امیر خان کو تمغہ بسالت دیا گیا، کیپٹن عرفان حسین اور کیپٹن حیدر ایوب کو بھی تمغہ بسالت سے نوازا گیا۔

بریگیڈیئر ایوب حیدر، صوبیدار خورشید احمد اور نائب صوبیدار ارشاد علی کو تمغہ بسالت سے نوازا گیا۔

نائب صوبیدار شہید گل شہادت، حوالدار مشتاق احمد شہید، حوالدار عزیز الرحمان شہید، حوالدار افتخار احمد شہید، لارنس نائیک مرزا محمد آصف شہید، لارنس نائیک محمد جہانگیر بادشاہ شہید، سپاہی عثمان علی شہید، سپاہی گل رائب خان شہید سمیت دیگر کئی شہدا کو بھی تمغہ بسالت سے نوازا گیا جن کے اعزازات ان کے اہلخانہ نے وصول کیے۔