ملک بھر میں تعلیمی ادارے کھولے جانے کے چوتھے روز مزید 13 اداروں کو ایس او پیز کی خلاف ورزی پر بند کردیا گیا ہے۔

تفصیلات کے مطابق نیشنل کمانڈ اینڈ آپریشن سینٹر کی جانب سے جاری کیے گئے اعدادوشمار کے مطابق گزشتہ چوبیس گھنٹوں کے دوران مزید 13  تعلیمی ادارے بند کیے گئے ہیں، جن میں خیبرپختونخوا کے 10 اورسندھ کے 3 تعلیمی ادارے شامل ہیں۔

واضح رہےکہ گزشتہ روز بھی کورونا ایس او پیز کی خلاف ورزی پر خیبرپختونخوا کے 16، اسلام آباد میں ایک اور آزادکشمیر میں 5 تعلیمی ادارے بند کیے گئے تھے۔

سندھ کے ضلع مٹیاری کے 2 کالجز کو بھی 8 اسٹاف ممبر کا کورونا ٹیسٹ مثبت آنے  پر بند کردیا گیا تھا۔