پنجاب میرج ہال اور کیٹرز ایسوسی ایشنز نے نئی کو رونا ایس او پیز مسترد کر نے کا اعلان کر دیا ہے۔

تفصیلات کے مطابق پنجاب میرج ہال اور کیٹرز ایسوسی ایشنزکی جانب سے جاری کردہ بیان میں کہا گیا ہے کہ حکومت نے ایس او پیز واپس نہ لیے تو ایک ہفتے بعد اسلام آباد کی طرف مارچ کریں گے۔

انہوں نے مزید کہا کہ میرج ہال کے کاروبار سے ملک کی تمام انڈسٹریز وابستہ ہیں لیکن لاک ڈاؤن میں حکومت نے ہمیں اور ملازمین کو ریلیف نہیں دیا۔

واضح رہے کہ دوسری جانب اسلام آباد انتظامیہ کی جانب سے کورونا ایس او پیز پر عملدرآمد کے لیے کارروائیاں جاری ہیں۔

انسپکشن ٹیموں کی جانب سے شادی ہالز، تعلیمی اداروں، کاروباری مراکز اور پیٹرول پمپس کے دورے کیے جا رہے ہیں۔