وزیراعظم   عمران خان کل ٹائیگر فورس کے کنونشن سے خطاب کریں گے۔

تفصیلات کے مطابق  وفاقی دارالحکومت اسلام آباد میں ٹائیگر فورس کے کنونشن کی تیاریاں جاری ہیں۔

وزیراعظم عمران خان  نے معاون خصوصی عثمان ڈار سے رابطہ کرکے ، کنونشن کی تیاریوں اور ایس او پیز پر عملدرآمد  کے لیے اقدامات پر بات چیت کی۔

وزیراعظم  نے عثمان ڈار کو کنونشن میں ایس او پیز پر مکمل عملدرآمد یقینی بنانے کی ہدایت کی۔

دارالحکومت کے مختلف مقامات پر کنونشن میں شرکت کرنے والوں کے لیے خیر مقدمی بینرز آویزاں کر دیے گئے ہیں۔

نوجوانوں کی بڑی تعداد کے پیش نظر کنونشن سینٹر کے اوور فلو ہونے کا خدشہ ہے، لہذا وزیراعظم کا خطاب کنوشن سینٹر کے اندر اور باہر بڑی اسکرینز پر دکھایا جائے گا۔ کنونشن سینٹر میں بڑی اسکرینز نصب کرنے کا کام جاری ہے۔

وزیراعظم اپنے خطاب میں نوجوانوں کی نئی ذمہ داریوں کا تعین کریں گےاور ان کو آئندہ کی حکمت عملی گائیڈ لائینز اور مکمل لائحہ عمل بتایا جائے گا۔

ٹائیگر فورس کو ذخیرہ اندوزی کی نشاندہی کے لیے مخصوص ٹاسک سونپے جانے کا امکان ہے۔