عید میلاد النبی کے موقع پر پنجاب کی جیلوں میں قید ملزمان کے لئے بڑی خوشخبری کا اعلان کیا گیا ہے۔

تفصیلات کے مطابق آئی جی جیل پنجاب کی جانب سے صوبہ بھر کی جیلوں میں قید ملزمان کی سزاوں میں خصوصی معافی کا نوٹیفیکیشن جاری کر دیا گیا ہے۔

 خصوصی معافی کے نوٹیفیکیشن کے مطابق  قیدیوں کی سزاوں میں دو ماہ کی معافی کا اعلان کیا گیا ہےتاہم سنگین نوعیت کے مقدمات میں ملوث قیدیوں کو معافی نہیں دی جائے گی۔

ذرائع کے مطابق آئی جی جیل کی جانب سے تمام جیلوں کے سپرنٹنڈنٹس کو آگاہ کر دیا گیا ہے۔

واضح رہےکہ خصوصی معافی کے بعد ملزمان کی رہائیوں کا عمل آج شام تک مکمل کر لیا جائے گا۔