مریم نواز کا کہنا ہے کہ حکومت پر شہباز شریف اور ن لیگ کا خوف طاری ہے، عوام کو دو سال سے جاری کرب سے نکالنا نواز شریف کا مقصد ہے۔

تفصیلات کے مطابق ترجمان مسلم لیگ ن مریم اورنگزیب نے میڈیا سے گفتگو کرتے ہوئے کہا  ہے کہ مریم نواز کو گرفتار کرنے کی کوشش کی گئی تو اس کا جواب پاکستانی عوام دے گی، اب یہ جدوجہد نہیں رکے گی، (ن) اور (ش) الگ نہیں ہوسکتے، یہ دونوں اس ملک کی طاقت ہیں۔

ترجمان مسلم لیگ ن کا کہنا ہے کہ سابق وزیراعظم نواز شریف کی صحت کے ذمہ دار عمران خان ہیں، نوازشریف کی تمام میڈیکل رپورٹس پنجاب حکومت کے پاس ہیں، نیب کی حراست میں نواز شریف کی صحت خراب ہوئی۔

انھوں نے مزید کہا کہ نواز شریف کی صحت پر سیاست کی جاتی ہے، علاج کے بغیر نواز شریف واپس نہیں آئیں گے، آپ نے جو کرنا ہے کریں، حکومت پر شہباز شریف اور ن لیگ کا خوف طاری ہے، عوام کو دو سال سے جاری کرب سے نکالنا نواز شریف کا مقصد ہے۔