کیپٹن (ر) صفدر کی گرفتاری پرپاکستان پیپلز پارٹی کے رہنما اور صوبائی وزیر سعید غنی کا اہم بیان سامنے آگیا ۔

تفصیلات کے مطابق سماجی را بطے کی ویب سائٹ ٹوئٹر پر جاری کردہ اپنی ٹوئٹ میں صوبائی وزیر تعلیم سعید غنی نے کہا کہ مزار قائد پر کیپٹن صفدر نے جو کچھ کیا وہ نامناسب تھا لیکن جس انداز میں کراچی پولیس نے گرفتاری کی ہے وہ قابل مذمت ہے۔

انہوں نے مزید کہا کہ کیپٹن صفدر کی گرفتاری سندھ حکومت کی ہدایات پر نہیں ہوئی، پولیس کا یہ اقدام پی ڈی ایم کی جماعتوں میں خلیج پیدا کرنے کی سازش کا حصہ ہے جسے ہم ناکام بنائیں گے۔

مزار قائد پر کیپٹن صفدر نے جو کچھ کیا وہ نامناسب تھا لیکن جس انداز میں کراچی پولیس نے گرفتاری کی ہے وہ قابل مذمت ہے۔کیپٹن صفدر کی گرفتاری سندھ حکومت کی ہدایات پر نہیں ہوئی ۔ پولیس کا یہ اقدام PDM کی جماعتوں میں خلیج پیدا کرنے کی سازش کا حصہ ہے جسے ہم ناکام بنائیں گے۔ https://www.bolnews.com/urdu/pakistan/2020/10/589203/amp/

Advertisement

— Senator Saeed Ghani (@SaeedGhani1) October 19, 2020

واضح رہےکہ پولیس نے مریم نواز کے شوہر اور سابق وزیراعظم نواز شریف کے داماد کیپٹن (ر) صفدر کو گرفتار کرلیا ہے۔

 پولیس نے محمد صفدر کو نجی ہوٹل سے گرفتار کیا اور انہیں مزار قائد پر نعرے لگانے پر مزار قائد ایکٹ کی خلاف ورزی پر گرفتار کیا گیا ۔