وزیر اعظم عمران خان لاہور پہنچ گئے ہیں۔

تفصیلات کے مطابق وزیراعظم عمران خان آج لاہور پہنچے ہیں جبکہ شبلی فراز، سید فخر امام، شہزاد اکبر اور چیرمین نیا پاکستان ہاؤسنگ و ڈیویلپمنٹ اتھارٹی لیفٹیننٹ جنرل (ر) انور علی حیدر وزیراعظم کے ہمراہ موجود ہیں۔

لاہور دورے میں وزیراعظم سے وزیر اعلی پنجاب سردار عثمان بزدار ملاقات کریں گے جبکہ وزیر اعظم راوی اربن ڈیویلپمنٹ پراجیکٹ پر پیش رفت سے متعلق اجلاس کی صدارت کریں گے۔

دورے کے دوران بنیادی اشیائے ضروریہ کی قیمتوں اور دستیابی کے حوالے سے اعلی سطح اجلاس کی صدارت بھی کریں گے جبکہ وزیر اعظم سے پنجاب کابینہ کے سینیر اراکین بھی ملاقات کریں گے۔