بلدیہ عظمی کراچی کے محکمہ انسداد تجاوزات نے شہر میں تجاوزات کے خلاف ڈنڈا اٹھا لیا، تجاوزات کے خلاف شہر کے مختلف علاقوں میں کارروائیاں کی جارہی ہیں۔

کراچی کے مصروف ترین بازار زینب مارکیٹ میں دکانداروں کو تین دن کی مہلت دے دی گئی ہے،، تین دن بعد گرینڈ آپریشن کیا جائے گا۔

سڑک کے کنارے چھوڑے اور نہ ہی پلوں کے نیچے قائم تجاوزات کو بخشا ہے۔

اس ضمن میں بلدیہ عظمی کراچی کے سینئیر ڈائریکٹر برائے انسداد تجاوزات بشیر صدیقی کہتے ہیں کہ ایڈمنسٹریٹر کراچی افتخار شالوانی چاہتے ہیں کہ شہر کی سڑکوں سے تجاوزات کا خاتمہ کر کے شہر کی خوبصورتی میں اضافہ کیا جائے۔

نارتھ کراچی ناگن چورنگی سے پاور ہائوس چورنگی، نشتر روڈ اور تین ہٹی پل کے نیچے آپریشن کئے گئے جبکہ بڑے پیمانے پر تجاوزات بھی ضبط کرلی گئیں اور ہیوی مشینری کے ذریعے کچی پکی تجاوزات کو مسمار کردیا گیا۔

دوسری جانب شہر کے مصروف ترین بازار زینب مارکیٹ میں اعلانات کرکے دکانداروں کو دکانوں سے باہر رکھے گئے سامان اور سائن بورڈز اتارنے کے لئے تین روز کی مہلت دی گئی ہے جس کے بعد گرینڈ آپریشن کیا جائے گا۔