این سی سی کی جانب سے نیشنل کمانڈ اینڈ آپریشن سینٹر کے فیصلوں کی توثیق کر دی گئی ہے۔

تفصیلات کے مطابق وزیر اعظم عمران خان کی زیر صدارت نیشنل کورآرڈینشن کمیٹی کا اہم اجلاس منعقد ہوا ہے جس میں این سی او سی کی جانب سے وباء کے موجودہ پھیلاؤ اور مثبت کیسز کی شرح کے حوالے سے بھی بریفنگ دی گئی ہے۔

اجلاس میں این سی سی نے ماسک پہننے، کاروباری اوقات کار میں کمی سمیت اسمارٹ لاک ڈاؤن کے نفاز کے احکامات کی توثیق کر دی ہے۔

اجلاس میں وزیراعظم نے کہا ہے کہ کورونا کیسز سے نمٹنے کیلئے اسپتالوں کی استعداد کار بہتر بنائی جائے تاہم این سی او سی لائحہ عمل طے کرنے کیلئے تمام متعلقہ فریقوں سے مشاورت کرے۔

یاد رہے کہ اجلاس میں چاروں صوبوں کے وزرائے اعلی نے بھی بذریعہ ویڈیو لنک اجلاس میں شرکت جبکہ این سی او سی کی جانب سے کووڈ19 کی موجودہ صورتحال کے حوالے سے وزیرا عظم کو آگاہ کیا گیا۔

پبلک سیفٹی اور صحت کے میدان میں کاوشوں کے لیے وزیراعظم عمران خان کی جانب سے این سی او سی اور دیگر سٹیک ہولڈرز کے کردار کو سراہا گیا ہے۔