وزیر اعظم عمران خان کا کہنا ہے کہ  تعمیرات ہونے سے روزگار کے مواقع ملیں گے اور معیشت مستحکم ہوگی۔

تفصیلات کے مطابق وزیر اعظم عمران خان سے چیئرمین نیا پاکستان ہاؤسنگ ڈیویلپمنٹ اتھارٹی لیفٹیننٹ جنرل (ر) انور علی حیدر اور چیئرمین پاکستان آئی لینڈز اتھارٹی عمران امین  نےملاقات کی۔

ملاقات میں وزیر اعظم کو تعمیرات اور ان منصوبوں میں ماحولیاتی تحفظ کے اقدامات کے حوالے سے بریفنگ دی گئی۔

اس موقع پر وزیر اعظم نے کہا کہ   تعمیرات ہونے سے روزگار کے مواقع ملیں گے اور معیشت مستحکم ہوگی۔

عمران خان کا کہنا تھا  تعمیرات کے عمل میں ماحولیاتی تحفظ کا خاص خیال رکھا جائے،  ہر منصوبے کا ماحولیاتی تجزیہ قانون کے مطابق ضروری ہے۔  اس ضمن میں حکومت ہر ممکن اقدامات اٹھائے گی۔