وزیراعظم عمران خان کی جانب سے ملک بھر میں 50 ٹیکنالوجی زونز بنانے کی ہدایت کردی گئی ہے۔

تفصیلات کے مطابق وزیرِ اعظم عمران خان کی زیر صدارت وفاقی کابینہ کا اجلاس منعقد ہوا ہے جس میں وزیراعظم نے کہا ہے کہ پاکستان میں آئی ٹی کا وسیع پوٹینشل موجود ہے۔

اس ضمن میں وزیراعظم نے ملک بھر میں 50 ٹیکنالوجی زونز بنانے کی ہدایت کرتے ہوئے کہا ہے کہ اس کو بروئے کار لانا لازمی ہے اور ترقی کا بہترین زریعہ ہے۔

اجلاس میں  فیصلہ کیا گیا ہے کہ اسپیشل ٹیکنالوجی زونز ابتدائی طور پر پشاور، اسلام آباد، لاہور اور ہری پور میں قائم کیے جایں گے تاہم کابینہ نے کراچی اور کوئٹہ میں بھی ان زونز کے قیام کی منظوری دی۔

وزیراعظم کا کہنا تھا کہ انفارمیشن ٹیکنالوجی جدید دور میں ترقی کا زینہ ہے۔