وفاقی وزیر اطلاعات سینیٹر شبلی فراز کا  کہنا ہے کہ امن، ترقی اور خوشحالی افغان عوام کاحق ہے۔

تفصیلات کے مطابق سماجی رابطے کی ویب سائٹ ٹوئیٹر پر جاری بیان میں  وفاقی وزیر اطلاعات سینیٹر شبلی فراز  نے کہا کہ  ‏وزیر اعظم  عمران خان کا دورہ افغانستان دوطرفہ تعلقات  اور رابطوں کے فروغ میں اہم پیش رفت ہے۔

شبلی فراز کا کہنا تھا کہ  دونوں ملکوں کے عوام بھائی چارے کے رشتے میں بندھے ہیں،انہوں نے دہشت گردی کے خلاف عظیم قربانیاں دی ہیں۔

ان کا مزید کہنا تھا کہ  امن، ترقی اور خوشحالی افغان عوام کاحق ہے۔   وزیر اعظم عمران خان  بھی خطے میں امن کے داعی ہیں ۔