ملک بھر میں ذخیرہ اندوزی اور ناجائز منافع خوری کے خلاف کارروائیوں میں تیزی آگئی۔

تفصیلات کے مطابق ٹائیگرزفورس کی نشاندہی پر سول انتظامیہ مسلسل چھاپے مار رہی ہے، پنجاب میں موٹروےریسٹ ایریاز میں مسافروں سے ناجائز منافع خوری میں ملوث افراد گرفتار کرلیا گیا، زائدقیمت میں اشیا کی فروخت پر سروس ایریاسیل جبکہ 40ہزار روپے جرمانہ بھی عائد کیا گیا ہے۔

وزیراعظم نےگزشتہ ہفتے موٹروے پر ناجائز منافع خوری کا نوٹس لیا تھا، موٹروے پر مسافروں سے اشیائے ضروریہ کی 3گنا زائد قیمت لی جارہی تھی۔

واضح رہے کہ اس سے قبل انتظامیہ نے ٹائیگر فورس کی نشاندہی پر سیالکوٹ میں آٹا، چینی اور چاول کے ذخیرہ اندوزوں کے خلاف بھی کارروائیاں کیں اور بڑی مقدار میں اسٹاک قبضے میں لے کر اسٹورز سیل کر دیے۔