اسلام آباد میں غیر ملکی خواتین کو حراساں کرنے والے 2 ملزمان کو پولیس کی جانب سے گرفتار کرلیا گیا ہے۔

تفصیلات کے مطابق غیر ملکی خواتین کو حراساں کرنے کا معاملے پر پولیس ٹیم نے وقوعہ میں ملوث دو ملزمان فرقان اور ابرار کو گرفتار کرلیا ہے۔

اس ضمن میں پولیس کا کہنا ہے کہوقوعہ کی اطلاع ملتے ہی ڈی آئی جی آپریشنز نے ایس پی کو بروقت کارروائی کی ہدایت کی جبکہ ڈی آئی جی آپریشنز نے تمام کارروائی کی خود نگرانی کی ہے۔

یاد رہے کہ ڈی آئی جی کے احکامات پر پولیس ٹیموں نے ٹریل ون، ٹریل سکس،ٹریل فائیو، گوکینہ تلہاڑ میں خواتین کو سرچ کیا اور خواتین کو بحفاظت تلاش کرنے پر آئی جی اسلام آباد نے پولیس ٹیم کو خراج تحسین بھی پیش کیا۔

آئی جی اسلام آباد نے اے ایس پی کوہسار عائشہ گل کے لئے تعریفی اسناد دینے کا اعلان کردیا ہے جبکہ ایس ایچ او کوہسار شبیر تنولی اور تفتیشی ٹیم کے لئے کلاس ون سرٹیفکیٹ اور نقد انعامات دینے کا اعلان کیا ہے۔