وزیراعظم عمران خان نے کہا ہے کہ حکومت آزاد ہے لیکن محفوظ بارڈرز پر یقین رکھتی ہے۔

تفصیلات کے مطابق وزیر اعظم عمران خان کی زیر صدارت بارڈر مینجمنٹ سسٹم کو مزید فعال اور بہتر بنانے کے حوالے سےاجلاس منعقد ہوا ہے جس میں بریفنگ میں بتایا گیا ہے کہوفاقی سطح پر بارڈر کے معاملات کو دیکھنے کیلئے کوئی مرکزی ادارہ موجود نہیں۔

اجلاس میں بتایا گیا ہے کہ پاکستان میں زمینی, ہوائی اور بحری راستوں سے داخل ہونے والے افراد کی تفصیلات ایک جگہ اکٹھا کرنے کی اشد ضرورت ہے۔

وزیر اعظم عمران خان کی زیر صدارت موجودہ بارڈر مینجمنٹ سسٹم کو مزید فعال اور بہتر بنانے کے حوالے سے اعلیٰ سطح اجلاس۔

Advertisement

وفاقی وزراء غلام سرور خان, شبلی فراز, بریگیڈیئر ریٹائرڈ اعجاز احمد شاہ, سید علی حیدر زیدی اور معاون خصوصی معید یوسف سمیت عسکری و سویلین حکام نے شرکت کی۔ pic.twitter.com/A2b0ffNhAH

— Prime Minister's Office, Pakistan (@PakPMO) November 30, 2020

اجلاس کو بتایا گیا ہے کہغیرقانونی راستوں کی بندش اور سمگلنگ کی روک تھام سے ملکی معیشت کو ایک سال کے دورانیے میں اربوں روپے کا فائدہ ہوا ہے۔

تاہم اجلاس کے دوران وزیراعظم نے وزارتِ داخلہ میں ایڈیشنل سیکرٹری کے سرپرستی میں بارڈر مینجمنٹ سسٹم کیلئے ایک خصوصی ڈویژن بنانے کی ہدایت کی ہے اور کہا ہے کہ حکومت آزاد لیکن محفوظ بارڈرز پر یقین رکھتی ہے۔

وزیراعظم کا کہنا تھا کہ تمام متعلقہ اداروں کو بروقت انفارمیشن شیئرنگ کی جائے تاکہ بارڈرز کو محفوظ بنانے کے ساتھ ساتھ تجارتی سرگرمیوں بلخصوص پاکستان اور افغانستان کے درمیان تجارت کے فروغ کیلئے عملی اقدامات اٹھائے جائیں۔