پی ڈی ایم کارکنان آپے سے باہر ، پولیس بھی نہ روک پائی، پی ڈی ایم کارکنان تمام رکاوٹیں ہٹا کر اسٹیڈیم میں پہنچ گئے۔

تفصیلات کے مطابق پاکستان ڈیمو کریٹک موومنٹ کی جانب سے ملتان میں عوامی طاقت کا مظاہرہ آج کیا جا رہا ہے، اس سلسلے میں کارکنوں نے گھنٹہ گھر کے اطراف رکھی گئی تمام رکاوٹیں ہٹا دیں۔

پی ڈی ایم کارکنوں نے قاسم باغ سٹیڈیم کی طرف بڑھنا شروع کر دیا۔

شہر میں موبائل فون اور انٹرنیٹ سروس جزوی طور پر معطل کر دی گئی جبکہ میٹرو بس بھی بند ہے۔

پاکستان یپلزپارٹی کے شریک چیئرمین و سابق صدر آصف ذرداری کی صاحبزادی آصفہ بھٹو زرداری کراچی سے خصوصی طیارے کے ذریعے ملتان پہنچی ۔

ذرائع کے مطابق صوبائی وزیر تعلیم و محنت سعیدغنی، وزیر اطلاعات سندھ ناصرشاہ، ایم این اے شگفتہ جمانی بھی آصفہ بھٹو زرداری کے ہمراہ تھے۔

آصفہ بھٹو پیپلزپارٹی جلسے میں بلاول بھٹو کی نمائندگی کریں گی، وہ جلسے میں پی ڈی ایم قیادت کا استقبال کرینگی۔

مسلم لیگی رہنما مریم نواز ملتان جلسے میں شرکت کے لئے لاہور سے روانہ ہو چکی ہیں۔

ذرائع کے مطابق روانگی سے قبل میڈیا سے گفتگو کرتے ہوئے مسلم لیگ ن کی نائب صدر مریم نواز کا کہنا تھا کہ سٹیڈیم کے اندر ہو یا سڑک پر جلسہ ضرور ہوگا، حکومت کورونا نہیں اپوزیشن سے ڈر رہی ہے، ناکوں اور رکاوٹوں سے ان کا خوف عیاں ہے۔

مریم نواز نے مزید کہا یہ جلسہ ہونے سے پہلے ہی کامیاب ہوچکا، حکومتی وزرا کی جانب سے جلسے ہو رہے ہیں، کیا جماعت اسلامی کے جلسے میں کورونا نہیں پھیلا ؟

مریم نواز نے کہا کہ دوبار جیل کاٹ چکی، دوبارہ گرفتاری سے ڈر نہیں، کسی کو شک نہیں یہ حکومت جانیوالی ہے۔