پرنس آف ویلز نے وزیر اعظم عمران خان  سے ٹیلیفونک رابطہ کیا ہے۔

برطانوی ہائی کمیشن کے مطابق  جمعرات کے روز پرنس آف ویلز نے وزیر اعظم عمران خان سے ٹیلیفونک رابطہ کیا۔

دوران گفتگو پرنس آف ویلز نے دونوں دولت مشترکہ ممالک کے مابین قریبی تعلقات کی تجدید کی۔

پرنس آف ویلز نے کہا کہ پاکستان اور برطانیہ کے تعلقات بین الاقوامی دوستی کا مظہر ہیں۔

برطانوی پرنس آف ویلز نے کورونا وائرس 19 کے باعث پاکستان میں ہونے والے بھاری جانی نقصان پر اظہار تعزیت کرتے ہوئے کہا کہ  کورونا وباء کے دوران برطانیہ نے پاکستان کے متاثرہ علاقوں میں ضروری امداد فراہم کی۔

برطانوی ہائی کمیشن کا کہنا تھا کہ  موسمیاتی تبدیلیوں کے مقابلے کے لیے پرنس آف ویلز نے پاکستان کے عزم کی تجدید کرتے ہوئے متبادل توانائی کے لیے پاکستان کی حمایت جاری رکھنے کی تجدید کی۔