پشاور میں بی آر ٹی بس سروس جزوی طور پر معطل ہوگئی ہے۔

تفصیلات کے مطابق بی آر ٹی بس تہکال اسٹیشن کے قریب چلتے چلتے رک گئی ، جس کے باعث ٹریک پر بسوں کی قطار لگ گئی۔

ترجمان بی آر ٹی کا کہنا ہے کہ بس میں تکنیکی خرابی آئی ہے اور ٹیکنیشن کو طلب کر لیا گیا ہے، تکنیکی خرابی دور کرنے کے بعد بس سروس دوبارہ چل پڑے گی۔

انتظامیہ کا کہنا ہے کہ  پشاور بس ریپڈ ٹرانزٹ منصوبے کے تحت چلائی گئی بس سروس میں مسائل کوئی نئی بات نہیں ہیں۔

اس سے قبل بھی ایک بس چلتے چلتے رک گئی تھی تاہم بس میں تکنیکی خرابی کو فوری طور پر دور کر لیا گیا تھا، بس میں کلچ کا مسئلہ آیا تھا جسے جلد ہی درست کر لیا گیا۔

مزید پڑھیں

پشاور، بی آر ٹی سروس کو 38 دن بعد بحال کردیاگیا

پشاور میں بی آر ٹی سروس کو 38 دن بعد دوبارہ بحال...

واضح رہتے کہ اس سے قبل بی آر ٹی بس گدھا گاڑی سے ٹکرا گئی تھی، گدھا گاڑی سے ٹکرانے کا حادثہ حیات آباد فیز4 فیڈرروٹ پر پیش آیا۔

گدھا گاڑی اچانک بی آر ٹی بس کے سامنے آگئی ، تاہم اس حادثے میں بس عملہ اور مسافر محفوظ رہے۔

ترجمان بی آر ٹی کا کہنا تھا کہ ایسے واقعات گاڑیوں میں ہونا معمول ہے یہ کوئی تشویش کی بات نہیں ہے۔